مدونة غلا الروح - Blog

Register

أنت زائر : تستطيع الآن إنشاء موضوع والرد بدون تسجيل ..

 يتم تثبيت التدوينات المميزه والجاده للزوار

العودة   مدونة غلا الروح > مدونات غلا الروح العامه > الخواطر وروائع الكلمات
الخواطر وروائع الكلمات عذب الكلام من خواطر وقصائد ( شعر )
إضافة رد
 
أدوات الموضوع
قديم 04:37, AM 30-10-2023   #1
الصورة الرمزية غلا الروح

غلا الروح

مدونه قويه
المشاركات: 144

غلا الروح غير متواجد حالياً

Post قال الذي في تالي الليل سهران= عزاه ياقلب تزايد شطونه

مدونة غلا الروح

: قال الذي في تالي الليل سهران= عزاه ياقلب تزايد شطونه




قال الذي في تالي الليل سهران= عزاه ياقلب تزايد شطونه
كله سبب ناس من القوم عدوان=جعل المنية حوضها ياردونه
ناس على المطلوب ماتقضي الشان=واليا نصاهم صكوا الباب دونه
سبحان رب غير الحال سبحان=عقب المعزة والغلى يبغضونه
قلت الحقيقة دون زود ونقصان=وتسمعوا ياهل القلوب الفطونة
حدتني الحاجات لفلان وفلان=يم النفوس القاسية والحنونة
نصيتهم والدمع من فوق الاوجان=مثل السحاب اللي تهامل مزونه
بلاي من دنياً بها صرت بلشان=الله يفرج لي بكافه ونونه
واقولها من خاطري سر واعلان=جذع شجرتهم يابسات غصونه
شافت و عافت عيني اشكال والوان=نمونة ياشينها من نمونة
شانت طبوع الناس حضر و بدوان=مالوم عيني لو تصير مغبونة
الا ومع هذا بني عم واخوان=وكلن يعامل صاحبه بالخشونة
واخص شخص تالي الوقت خوان=يعل راسه ينشلع من متونه
جيته وانا مانيب راضي وزعلان=وقلت السلام وقام يومي بشونه
عقب السلوم الطيبة صاحبي شان=وشفت الغدر مابين ضحكة سنونه
واصبحت انا في ماقفي منه حيران=خيب ظنوني خيب الله ظنونه
قلت انت نذل ومن يراعيك غلطان=شوشتك من سود الفعول محسونة
لاشك انا من بعض الافعال ندمان=يوم اني اتبع من تقافت ضعونه
من باعني بعته ولانيب خسران=نفسي عزيزة مارضت بالمهونة
أنا عريب الساس جدي عدنان =ماارضى بها والقلب ما طاب كونه
والله لابيعه في رخيصات الاثمان=لا صار ميثاق العهد مايصونه
واتبع هل الطولات ذربين الايمان=اللي ليا جا ضيفهم يكرمونه
في قصر عز بالمطاليق مليان=الاوفيا اللي تنطحك بالمعونة
دور على الخل الوفي وين ما كان=عس المكان ان كان زلت حتونه
والاقعد اللي في عطاياه منان=حذراك تاكل لقمة من صحونه
يبلاك في دعوى على غير برهان=وانته على شانه فرسك معنونة
واللي تسبب بالقطاعة والاحزان=له ليلة فيها المثل يضربونه
راسي عنيد وقاسي ما بعد لان=يبغى مع العالم شوية مرونة
ياناس للموضوع قيس وميزان=مير الكلام الصدق ما تقبلونه
حاولت أكن السالفة قدر الامكان=يومنها بين الضلوع مخزونة
لكن عجزت وخالج النفس شيطان=يومي بها مثل الهبوب وسكونه
واصبر واتعامل معاكم با لاحسان=واقول صيور الحطب تنطلونه
يقوله اللي يفهم العلم نيشان=وعما جرى تكفيه شوفة عيونه
عبر عن شعوره وما بالحشى بان=يوم المعاني جره في لحونه
واختامها صلوا على نسل عدنان=محمد اللي للهدى تتبعونه
مدونة غلا الروح
الملفات المرفقة
نوع الملف: zip مرفق خاص ( إهداء لزائر التدوينه ).zip‏ (137.8 كيلوبايت, المشاهدات 52)
__________________
التوقيع

°¨سبحان الله وبحمده سبحان الله العظيم¨°

إضافة رد
يشاهد التدوينه الآن   1 زائـر
أدوات الموضوع

مدونة=== (( دع مواضيعك وردودك بالمدونه تعبر عن شخصيتك الجميله )) ===مدونة



تاريخ اليوم AM 19-06-2024

الدعم الفني - 2023    

Powered by Blog glaroh.com . المدونه